Rënia e flokëve mund të shkaktohet nga ndryshimet hormonale, një gjendje e caktuar shëndetësore, stresi ose mungesa e lëndëve ushqyese. Ekspertët rekomandojnë njerëzit që të konsumojnë ushqime të pasura me flavonoide që forcojnë folikulat e flokëve, ushqime të pasura me hekur për të shtuar numrin e qelizave të kuqe të gjakut dhe ushqimet e pasura me proteina dhe silica që ndihmojnë në rritjen e flokëve, shkruan Shëndeti.al.

Këto janë disa nga ushqimet që luftojnë rënien e flokëve, sipas ekspertëve:

1.Veza

Të pasura në proteina, vezët ndihmojnë në rritjen e prodhimit të kolagjenit.

Lëndët ushqyese kryesore: Vitaminat A dhe D, karotene, lutein, zink dhe proteina.

2.Fiqtë

Fiqtë janë një burim i mirë i hekurit, lëndë ushqyese kjo shumë e rëndësishme për rritjen e shëndetshme të flokëve. Burime të mira të hekurit janë edhe frutat e thara dhe frutat e pyllit.

Lëndët ushqyese kryesore: Hekur, kalium, magnez, vitaminat A dhe E.

3.Farat e lirit

Të pasura në omega 3, farat e lirit ndihmojnë në ushqyerjen e flokëve duke parandaluar kështu tharjen dhe dobësimin e tyre.

Lëndët ushqyese kryesore: Omega 3, vitamina B1, magnez, fosfor, selen.

4.Farat e kungullit

Këto fara të pasura në proteina dhe zink ndihmojnë në forcimin e imunitet, duke çuar kështu në rritje të flokëve.

Lëndët ushqyese kryesore: Zink, hekur, fosfor, magnez, koper, proteina.

5.Frutat e pyllit

Të pasura në vitaminë C që rrit në mënyrë natyrale prodhimin e kolagjenit, frutat e pyllit ndihmojnë gjithashtu në absorbimin e hekurit. Vitamina C ndihmon në qarkullimin e gjakut në kokë, ndërkohë që antioksidues mbrojnë folikulat nga dëmtimi nga radikalet e lira.

Lëndë ushqyese kyçe: Vitaminë C, kalium.

6.Jeshillëqet

Perimet e gjelbra si spinaqi, lakra, lakërishte etj ndihmojnë në prodhimin e keratinës, një lloj proteine që forcon folikulat e flokëve.

Lëndët ushqyese kyçe: Vitaminat A, C, K dhe B, kaliumi dhe folate.